ખૂટી પડે મારા પોતીકા શ્વાસ, તું આવજે લઈને બે ચાર ઉછીના શ્વાસ, તું આવજે એકલાં હોવાનો અંધકાર મને પીડ્યા કરે રૂંવે રૂંવે પ્રગટાવવા ઉજાસ, તું આવજે તું સહ્પ્રવાસી હો એ ઝંખના લઈ જીવું સંગાથે કરવા એકાદ પ્રવાસ, તું આવજે સહિયારી લાગણીઓ સાથે રહી માણીશું હશે આપણું સહિયારૂં આકાશ, તું આવજે

વિજળીના થાંભલાને  વીંટળાઈ ગઈ  એક લીલીછમ વેલ  અને  થાંભલાને ફુટી છે ડાળો...  ડાળીને ફુટી છે કુંપળો  ને એટલું તો ઠીક  પણ  એક ડાળ પર તો  ટહુકાઓ બાંધે છે માળો !