સ્મૃતિ સુગંધ

આખા ઘરમાંથી ઉમટી આવી

મને વિંટળાઇ જતી તારી સ્મૃતિઓ લઈને

બહાર પગથિયા પર ઉભો છું, 

આથમણી દિશાએથી 

તારી સુવાસ લઈને વહી આવતો પવન 

મને કાનમાં કશુંક કહી જાય છે 

અને 

હું ઝંકૃત થઈ ઉઠું છું.. 

અનુભવું છું જીવનનું સંગીત.. 

અને આકાશ હસી પડે છે.. 

મારા ચહેરાં પર ફરતી મારી આંગળીઓ

તારા પ્રગાઢ ચુંબનને વાંચે છે... 

અને વાતાવરણ સુગંધાઈ જાય છે. 

પ્રેમની પ્રથમ હુંફ રોમ રોમમાં પ્રગટે છે... 

અને હું આકાશમાં ઓગળી જાઉં છું.....