નક્કર થઈ ગયા

અક્ષરો કલમમાંથી નિકળી વજ્જર થઈ ગયાં

લ્યો, હોવાપણાના પુરાવાઓ નક્કર થઈ ગયાં

શી ખબર કેવો જાદુ હશે ગંગાનદીના વહેણમાં 

કાંઠે પડેલાં કંકર પણ જુઓ શંકર થઈ ગયાં

તમે કહો છો મન પણ હું એને મરૂભુમિ કહું છું

જુઓ તો ખરાં કે યુધ્ધ કેટલાં અંદર થઈ ગયાં

જમાનો બદલાઈ ગયાનો આજ તો પુરાવો છે

હતાં કાલ ખાબોચિયા, આજ સમંદર થઈ ગયાં

મર્યા પછી પણ જીવવાનો માર્ગ એને જઈ પુછો 

જાત ઓગાળી દઈ જે ફુલો અત્તર થઈ ગયાં